ថៃ៖ លោក ថាក់ស៊ីន ត្រូវបាននាំខ្លួនទៅកាន់ពន្ធនាគារ បាងកកភ្លាមៗ បន្ទាប់ពីលោកត្រូវបានអានការកាត់ទោសជាប់ពន្ធនាគារ នៅក្នុងការកាត់ទោសចំនួន៣ ដោយតុលាការកំពូលកាលពីព្រឹកមិញ ខណៈលោក Aryut Sintopphan អគ្គនាយកនៃនាយកដ្ឋានកែប្រែបញ្ជាក់ថា នាយកដ្ឋាននឹងធានាសុវត្ថិភាពរបស់លោកថាក់ស៊ីននៅខាងក្នុងពន្ធនាគារ។ នេះបើយោងតាមសារព័ត៌មាន The Nation Thailand។

លោក Aryut Sintopphan បានឱ្យដឹងថា លោកថាក់ស៊ីនក្នុងវ័យ ៧៤ឆ្នាំ នឹងត្រូវមើលថែឱ្យបានល្អដើម្បីកុំឱ្យលោក ថាក់ស៊ីន ធ្លាក់ខ្លួនឈឺអំឡុងពេលឃុំខ្លួន ហើយមន្ត្រីពន្ធនាគារបានធ្វើកំណត់ត្រាលោក ថាក់ស៊ីន ជាអ្នកទោសថ្មី ដោយគ្រូពេទ្យនៃមន្ទីរពេទ្យពន្ធនាគារបានពិនិត្យសុខភាព។

អគ្គនាយករងនៃនាយកដ្ឋានកែតម្រូវ លោក Sitthi Sutheewong បានឱ្យដឹងថា គ្រូពេទ្យនៃមន្ទីរពេទ្យពន្ធនាគារបានរកឃើញថា លោក ថាក់ស៊ីន ងាយរងគ្រោះដោយសារជំងឺ ដោយសារគាត់មានជំងឺរួមគ្នា ហើយត្រូវការការត្រួតពិនិត្យជាបន្តបន្ទាប់ពីគ្រូពេទ្យ។

ជាលទ្ធផល ពន្ធនាគារបានសម្រេចឃុំខ្លួនលោក ថាក់ស៊ីន តែម្នាក់ឯងក្នុងតំបន់៧ ដែលជាមន្ទីរពេទ្យនៃពន្ធនាគារបាងកក ដែលគាត់នឹងត្រូវតាមដានដោយបុគ្គលិកពេទ្យគ្រប់ម៉ោង។ បើតាមលោកលោក Sitthi Sutheewong ឱ្យដឹងថាលោក ថាក់ស៊ីន មានជំងឺ Ischemia ដែលជាជំងឺបេះដូងដែលលំហូរឈាមត្រូវបានកម្រិត ហើយគ្រូពេទ្យត្រូវចេញវេជ្ជបញ្ជាថ្នាំប្រឆាំងនឹងការកកឈាមដល់លោកជាប្រចាំ។

លោក ថាក់ស៊ីន ក៏មានជំងឺសួតធ្ងន់ធ្ងរដោយសារកូវីដ បើទោះបីជាលោកបានជាសះស្បើយហើយក៏ដោយ ប៉ុន្តែសួតរបស់លោកនៅតែមានភាពស្អិតជាប់ ដែលធ្វើឱ្យគាត់មានអារម្មណ៍អស់កម្លាំងបានយ៉ាងងាយ។ លោកក៏មានជំងឺលើសឈាម ហើយត្រូវលេបថ្នាំជាប្រចាំ ដោយសារជំងឺលើសឈាមនិង ទទួលរងពីជំងឺឆ្អឹងខ្នង និងឌីស herniated ដែលប៉ះពាល់ដល់តុល្យភាព និងការដើររបស់គាត់។

គួរឱ្យដឹងដែរថា ពន្ធនាគារ Remand ទីក្រុងបាងកក នឹងត្រូវកំណត់អគារពិសេស ឬកន្លែងសម្រាប់សាច់ញាតិ និងអ្នកគាំទ្រដើម្បីទៅសួរសុខទុក្ខអតីតនាយករដ្ឋមន្ត្រីរូបនេះ៕

PHOTO: The Nation